Sænska leiðin

Þetta er dæmi um galla þegar kemur að ríkisrekstri.

Við ættum að fara sænsku leiðina þar sem heilsugæslan er rekinn í einkarekstri.

Allir fá aðgang samdægurs. 

Læknar fá há laun.

Það kerfi er það gott að íslenskir læknanemar vilja ekki koma heim frá námi í Svíþjóð. Þeir vilja ekki fara í krumlu ríksins hér á Íslandi. Vilja frekar vera í einkavæddu heilsugæslukerfinu í Svíþjóð.

hvells

Heilsugæslan svaraði í 35. hringingu

Athugasemdir

[Gunnr (IP-tala skráð) 17.10.2014 kl. 15:07]

Þetta er sorgarsaga hvernig íslenska heilbrigðiskerfið hefur verið látið drabbast niður. Samkvæmt fjárlögum á að spara tugi miljóna í Heilsugæslu höfuðborgarsvæðis á þessu ári.  Það er talið vanta yfir 60 heimilislækna bara á höfuðborgarsvæðinu nú þegar ef miðað er við norrænan standard. 

Næstum 30% íslenskra lækna eru 60 ára og eldri og 60% 50 ára og eldri og það er grátlegt að sjá hverning það er að fjara undan íslenska heilbrigðiskerfinu á meðan stærstu árgangar íslandssögunar eru að eldast. Læknum var boðin 2,8% launahækkun og verkföll eru yfirvofandi.  Það er gríðarlegur skortur á reyndum sérfræðingum út um allan heim og Ísland nær ekki einu sinni að keppa við Norðurlöndin sem eru í raun láglaunalönd hvað varðar langskólamenntað fólk sem lækna.
Heimilislæknar á Íslandi eru launþegar eða starfsmenn á plani með 40 stunda vinnuviku og að viðbættu alls kyns opinberri skriffinsku er þarna ungbarnaftirlit auk alls kyns annara verkefna sem á að sinna á 40 stunda vinnuviku án greiddrar yfirvinnu. Þarna að spara sem í raun þýðir augljóslega að það er verið að draga saman í þjónustunni. Í öðrum löndum Noregi, UK, Svíþjóð eru heimilislæknar sjálfstæðir atvinnurekendur og fá greitt frá hinu opinbera og td. í Noregi er heimilislæknir með 3-5 sinnum hærri laun, er sinn eigin herra (eða frú) og virðing fyrir heimilislækningum er miklu hærri. Eða vera starfsmaður á plani á íslenskri heilsugæslustöð enda held ég að heimilislækningar séu hreinlega að leggjast af á Íslandi með sama framhaldi.
Það verður í raun ekki meiri fé með einkavæðingu sem raun má benda á mýmörg dæmi um það. Vegagerð, öldrunarstofnanir ofl. 

Strax og ríkið hættir að greiða leggst starfsemin niður.  Td. er engin læknavakt á nóttinni í Reykjavík.  Það er ekkert ólöglegt að byrja með það en það hefur nákvæmlega enginn áhuga enda eru Íslendingar óvanir að greiða fyrir læknisþjónustu.  Í Ósló er einkavædd læknavakt eins og Volvat https://www.volvat.no/ eða Aleris http://www.aleris.no/ keðjurnar.
Það sem fólk er að kvarta um greiðslur er í raun það sem fólk greiðir fyrir að leggja bílnum á bílastæðunum þar 2-3 faldur lögfræðingataksti er það sem er normið.  Held hreinlega að það sé ekki grunvöllur fyrir alvöru prívat heilbrigðisþjónustu enda launakjör á Íslandi í raun of lág og fámennið of mikið.  Ef ríkið á að greiða fyrir þetta þá þarf að skera niður annars staðar og til þess þarf þrek og þor. 

[sleggjuhvellur, 17.10.2014 kl. 23:17]

Það er gott að við getum verið sammála um að það er nauðsýnlegt að einkavæða heilbrigðiskerfið ASAP

hvells

[Gunnr (IP-tala skráð) 18.10.2014 kl. 06:40]

Sleggjuhvellur, grundvallaratriðið hér að það þarf að leggja meira fé og þar þarf að forgangsraða. Miðað við smæð íslenska hagkerfisins er nú rétt yfir 8% af þjóðarframleiðslu varið í heilbrigðiskerfið meðan Bandaríkjamenn verja 18% og það er svo sannarlega farið að segja til sín meðan norrænu löndin með miklu hærri þjóðarframleiðslu eru með 9-10%

[sleggjuhvellur, 18.10.2014 kl. 11:09]

Ríkið á Íslandi sogar til sín 48% af hagkerfinu.

Það er nóg.... meira en nóg.

Við þurfum að forgangsraða. Taka pening annarstaðar og setja í heilbrigðiskerfið samhliða einkavæðingu einsog í Svíþjóð. 

hvells

[Gunnr (IP-tala skráð) 18.10.2014 kl. 11:52]

Sammála Sleggjuhvellur. Það þarf að forgansraða og merkileg forgangsröðun sem landbúnaðarkerfið er nánast ósnert í raun dýrasta og óhagkvæmasta landbúnaðarkerfi heims. Hálfgerður brandari að menn nota ríkisstyrkja til að stuðla að offramboði og senda síðan þetta niðurgreitt til útlanda þegar hagkvæmara er að sturta þessu ofan í klósettið þegar allt er talið enda dugir afurðaverð ekki fyrir flutningskosnaði. Vart er að búast við að menn geri nokkuð við þessa helgu kú. Síðan má augljóslega benda á skulda"leiðréttinguna".

Hitt er svo að afurðagjald er hagkvæmasti skatturinn en menn bíta varla höndina á þeim sem fæðir þá og báðir núverandi stjórnarflokkar eru í raun málpípur útgerðarmanna.

Það er því miður augljóslega óðum að fjara undan heilbrigðiskerfinu á Íslandi. Spái því að ef ekkert kemur út úr launadeilu þá munu margir lykilstarfsmenn yfirgefa Ísland og halda áfram annað. Það er ákaflega fámennt og fólk fær skylduáskrift á tíðum og ákaflega illa borguðum vöktum og bakvöktum. Það er vissulegt áhyggjuefni að margir lykilstarfsmenn hafa stórlega minnkað sitt starfshlutfall í íslenska heilbrigðiskerfinu.