Næstbesta leiðin farin

Sleggjan vildi helst að það væri rukkað inn á hvern stað fyrir sig. Svona eins og í Bláa Lóninu.

 

En í pólítíkinni er ekki hægt að fá allt þannig ég kvitta algjörlega uppá þennan náttúrupassa. Henda nokkrum hundraðköllum í nauðsynlegar lagfæringar á ferðamannastöðum gegn þvi´að ganga þar um. Það er sanngjarnt.

Ég segi sanngjarnt því ef þetta væri skatttekjur. Þá væri fólk sem er ekkert að ferðast á þessum stöðum að greiða fyrir það. Sem er ósanngjarnt.

 Smá viðbót:

"Á dögunum var náttúrupassinn kynntur. Hann er ekki fullkominn, en byggir á því að þeir sem vilja nota ferðamannastaði standi straum af kostnaði við viðhald þeirra. Eins og við var að búast hafa sumir lýst yfir mikilli vanþóknun með hann. Rauði þráðurinn í gagnrýninni hefur verið sá að viðkomandi „ætli ekki að borga“ fyrir að skoða helstu náttúruperlur Íslands.

Sagan endurtekur sig. Málflutningurinn minnir á þegar Milton Friedman kom til Íslands árið 1984 til að halda fyrirlestur um nýútkomna bók sína, Tyranny of The Status Quo í HÍ. Var hann þá fenginn til að ræða bókina í sjónvarpssal með hinum félagshyggna Ólafi Ragnari Grímssyni, sem nú er forseti Íslands. Ólafur lýsti yfir mikilli vanþóknun á að rukka ætti á fyrirlestur Friedmans.

„Aðgangurinn hefur verið ókeypis, en þinn fyrirlestur markar því miður brot á þeirri hefð. Þetta er í fyrsta sinn sem Háskóli Íslands tekur þátt í selja dýra aðgöngumiða á slíka uppákomu!“ sagði Ólafur þá hneykslaður. „Þessi gjaldtaka eykur hvorki akademískt né annað frelsi,“ bætti hann við.

Friedman svaraði þá glaður í bragði: „Mig grunar í fyrsta lagi að einhver hafi nú greitt kostnað við þessa fyrirlestra. Hverjir borguðu fyrir þessa ókeypis fyrirlestra? Þeir sem komu ekki.“ Friedman bætti svo við: „Orðið ókeypis er ofnotað. Talað er um ókeypis menntun, en menntun kostar sitt. Fyrirlestrarnir sem þú talaðir um voru ekki ókeypis. Það þurfti að leigja sali, útbúa aðstöðu og fræðimennirnir hafa eflaust fengið eitthvað greitt. Það sem þú ætlaðir þér að segja er að þeir sem sóttu fyrirlestrana fengu niðurgreiðslu frá þeim sem sóttu þá ekki. Að mínu mati endurspeglar það ekki frjálst samfélag.“

Gagnrýnendur náttúrupassans falla í sama pytt og Ólafur gerði 30 árum áður. Ólíkt því sem gildir um núverandi fyrirkomulag þar sem allir borga í gegnum skattheimtu, gerir náttúrupassinn ráð fyrir því að þeir sem njóti, borgi. Ekkert er frekara en að krefja þá sem ekki geta eða vilja ferðast að niðurgreiða ókeypis útivist annarra. Hádegisverðurinn er aldrei ókeypis."

kv

Sleggjan

Framsókn með miklar efasemdir

Athugasemdir

[Sigurður (IP-tala skráð) 8.12.2014 kl. 21:31]

Þessi passi á ekki nokkurn séns, enda trúlega versta hugmynd sem komið hefur frá stofnun Alþingis.

Man bara ekki eftir heimskulegri hugmynd en þetta, og fylgist þó vel með fréttum og vitleysingahælinu við Austurvöll.

Verður aldrei, og má aldrei verða.

[Guðmundur K Zophoníasson, 8.12.2014 kl. 23:03]

Það er ekki verið að ræða um sinfoníutónleika eða fyrirlestur. Sleggjuhvellur er að yfirfæra kenningar Miltons Friedman á eitthvað sem á alls ekki við.  Ferðamaður eða Íslendingur sem hefur engan áhuga á náttúrunni gæti t.d. auðveldlega villst inná svæði náttúrupassans og þurft að greiða háa sekt fyrir. Væri sá aðili að greiða fyrir að njóta?

Þetta myndi líka þíða mikil óþægindi fyrir þá sem ekki hefðu áhuga á að kaupa þessa þjónustu að vita aldrei hvort þeir væru inn á bannsvæði eður ei og það gæti kostað þá mikið áreiti að þurfa kynna sér hvar þeir væru hólpnir. 

Síðan fylgir náttúrupassanum líklega sóun sem nemur launum yfir 10 ríkisstarfsmanna á ári og mun meira fyrsta árið! Það þyrfti eftirlitsmenn, tölvustarfsmenn og alls kyns ófyrirsjáanlega þvælu og óþægindi sem myndi hljótast af þessu!

Fylgismenn náttúrupassans væru eflaust aumir frjálshyggjumenn í augum Miltons Friedman.

[sleggjuhvellur, 9.12.2014 kl. 01:46]

Þeir borga sem nota.

Þarf í rauninni ekki að segja meir.

Miklar umbætur eru þarfar, fjármagn þarf.

kv

Sleggjan

[Jóhann Kristinsson, 9.12.2014 kl. 03:25]

Þetta er eitt það versta sem eg hef heyrt, náttúruqpassi.

Erlendir ferðamenn greiða virðisaukaskatt a allt það sem greiða fyrir, hvenær er það "enough is enough."

þegar eg kem til landsins þá er eg að,heimsækja fjölskyldu en ekki Gullfoss og Geysi, og Geysir sem er enginn Geysir.

Þetta er bara peningagræðgi og ekkert annað.

kveðja fra Houston

[Sindri Karl Sigurðsson, 9.12.2014 kl. 07:06]

Það er ekki rétt hjá þér að þeir borgi sem nota. Alls ekki. Það borga allir sem fá sér náttúrupassa, hvort sem þeir nota hann eða ekki, að öðrum kosti eiga þeir á hættu sekt ef viðkomandi álpast inn á eitthvað túristasvæði.

Þetta er arfa vitlaust og stenst ekki stjórnarskrá. Það verður í það minnsta látið á það reyna.

[sleggjuhvellur, 9.12.2014 kl. 09:26]

Það munu kannski einhverjir reyna að svindla Sindri. Eins og í öllu. Eigum við að hætta með atvinnuleysisbætur því það gætu verið einhverjir sem svindla?

kv

slegg

[Sindri Karl Sigurðsson, 9.12.2014 kl. 12:17]

Hvaða bull er þetta í þér maður? Svarar spurningu með spurningu, sem ekki verður svarað öðruvísi en með því að senda þig á læsi og skilningsnámskeið.

[sleggjuhvellur, 9.12.2014 kl. 14:28]

Vá, viltu ekki ná þér í tissjú drengur.

Endilega láttu mig vitha hérna á emaili ef þú ætlar á Geysi eða eitthvað slíkt og ég skal henda á þig 500 kall svo þú hættir að væla, ótrulegt hvað þið getið verið butthurt ef það á að láta ykkur hjálpa til við að laga göngustíga og fleira.

kv

Sleggjan

[Sigurður (IP-tala skráð) 9.12.2014 kl. 21:27]

Sleggja,

Þetta snýst ekkert um peninginn, eða upphæðina.

Þetta snýst um að mega eiga von á því þegar maður er úti í náttúrunni að ókunnugt fólk sé hér og þar að stoppa þig og kanna hvort þús sért búinn að borga fyrir að hafa augun opin á svæðinu, og sanna það með einhverjum passa.

Þetta er ónæði sem maður vill gjarnan vera laus við þegar maður er úti að njóta frelsisinn í náttúrunni.

Þessi skitni 500 kall fyrir árið skiptir engu máli, þetta er bara svo víðáttuheimskuleg hugmynd að hún nær engu tali.

Sérstaklega þegar það eru óendanlega margir aðrir möguleikar til að ná þessum pening, án þess að búa til heilt eftirlitsapparat í kringum það að hætti vinstri grænna.

Síðan er líka bara hægt að nota þann pening sem túristinn er að skila nú þegar í ríkiskassann.

Það er í raun engin þörf á að búa til nýjan skatt og eftirlitskerfi, ríkið er nú þegar að fá inn miklu meir en þarf tl að fara í þessar framkvæmdir.

Það er ótrúlegt að flokkur sem kennir sig við frelsi og fækkun/afnám skatta ætli sér virkilega að koma þessu kommúníska sovétsapparati á laggirnar.

[sleggjuhvellur, 10.12.2014 kl. 06:50]

Það er rukkað inná flestar "þjóðargersemar" í öðrum löndum. Hvað segiru um það

?

kv

slegg

[Sigurður (IP-tala skráð) 10.12.2014 kl. 19:05]

Mér er eiginlega alveg sama um það.

Frelsið og náttúran er það sem helst er nefnt þegar taldir eru kostir þess að búa hér á landi.

Við erum í þúsund ár búin að hafa þetta frelsi til að njóta íslenskrar náttúru.

Nú ætlar, Sjálfstæðisflokkurinn af öllum flokkum að binda endi á þetta.

Þetta mun aldrei verða að veruleika.

[sleggjuhvellur, 11.12.2014 kl. 14:28]

Þú lætur tilfinningar spila með þig.

kv

slegg