Bjarni sterkur

Bjarni þorir að segja það sem flestir hugsa: Læknar eru með óraunhæfar kröfur og eru að reyna taka framúr öðrum launamönnum hér á landi.

Þeir halda því fram að allir vilja þá erlendis en eru þó ekki allir fluttir eða ætla flytja.

 

 

Það sér hver maður (nema þeir heimsku) að ekki er hægt að bera saman launin í krónum talið milli landa. Kaupmátturinn er það sem gidlir.

kv

Sleggjan

Læknar horfi í eigin barm

Athugasemdir

[Ragnar (IP-tala skráð) 31.12.2014 kl. 16:20]

Ok berum saman kaupmátt milli landa/borga í þeim borgum sem íslenskir læknar stunda helst sérnám/störf(getur leikið þér sjálfur hérna með alls konar http://www.numbeo.com/cost-of-living/comparison.jsp ).

Local Purchasing Power in Oslo is 47.17% higher than in Reykjavik

Local Purchasing Power in Copenhagen is 44.41% higher than in Reykjavik

Local Purchasing Power in Stockholm is 58.61% higher than in Reykjavik

Local Purchasing Power in Gothenburg is 104.80% higher than in Reykjavik

Nú spyr ég þig, værir þú ungur læknir nýbúinn með sérnám í hverju sem þú kaust þér, með starf í einhverjum þessara borga, fjölskyldan er með þér og konan er í fastri vinnu, börnin eru í skóla/leikskóla. Þú færð 2x hærri laun en heima í landi þar sem kaupmáttur er ívið meiri en heima á Íslandi, þú þarft ekki að vinna 200% vinnu heldur færðu að vinna 100% vinnu og færð því frítíma, óþekkt orð meðal íslenskra lækna í dag.
Spítalarnir sem þú stundar þína vinnu, sem þú hefur eytt ca. 12 árum umfram framhaldsskóla í að mennta þig fyrir, eru í tip-topp ástandi með nýjustu græjum svo þú telur þig geta boðið þínum skjólstæðingum upp á góða þjónustu. 

Byðist þér starf á íslandi fyrir 50% launanna þinna, nema þú leggir á þig 205% vinnu, tækiru starfinu fegins hendi?

Þetta er raunveruleikinn sem íslenskir læknar, búsettir erlendis, lifa við. Þessi kjarabarátta er jafn mikið til að tryggja nýliðun heldur en að læknarnir hérna heima haldi sig á landi, staðreyndin er sú að stór, alltof stór, hluti þeirra er orðinn eldri en fimmtugt og jafnvel sextugt og hugsanlega tekur því ekki fyrir þá að vera að flytja sig út aftur. Hver á að taka við af þeim? Þú? Solla í Grænum kosti?

 

[Rúnar Már Bragason, 31.12.2014 kl. 17:12]

Ragnar þesssi samanburður sem þú gefur upp gengur aldrei upp enda segir í sambanburðinum að bensínlítri kosti 249 kr. og á öðrum stað segir að lítil kókflaska sé á 286 kr. Það getur vel verið að læknar fái hærri laun en af hverju eru þeir þá ekki farnir? Hver bannar þeim að segja upp og fara? Er fólkið í landinu að biðja um að læknar fái mun hærri launahækkanir en aðrir?

Málaflutningur lækna er lélegur og það hefur engan tilgang að koma með lélegan samaburð til að reyna bæta það upp.

[Ragnar (IP-tala skráð) 31.12.2014 kl. 17:24]

Margir þeirra nú þegar farnir, 4 meltingarlæknar, 1 blóðlæknir, 2 svæfingarlæknar, 1 taugalæknir þegar sagt upp störfum síðastliðnar vikur. Krabbameinslæknar horfið síðastliðin ár, eru bara 5 eftir, mættu vera 12 skv. einhverjum tölum. Þekki ekki í tölu heimilislækna en ástandið er orðið þannig að heilsugæslan er rekin af kandidötum og unglæknum. Víðsvegar út á landi eru ekki starfandi heimilislæknar, í Vestmannaeyjum er 1 fastráðinn heimilislæknir. Opnaðu augun kæri vinur, læknar eru þegar farnir, fleiri munu fara, helmingur íslenskra lækna er starfandi í útlöndum. 

Marg auglýst í allar lausar stöður, engar umsóknir, nýliðun lítil sem engin. Nánast allir ungir læknar sem ekki hafa náð sér í starfsréttindi munu fara út, það er spurning m hvenær, til að ná sér í aukin starfsréttindi sem ekki eru í boði á Íslandi. Þannig hefur það verið í áratugi, eina sem breytist nú er að þeir snúa ekki heim í óbreytt ástand.

Hvað við málaflutning er lélegt? Að það þrifist mygla í skrifstofum þeirra á LSH? Að gluggarnir á gjörgæslunni leka? Að það flæði inn á geðdeildirnar í rigningu? Að tölvusneiðmyndartækin bila í sífellu? Að það vanti nýjan spítala? Að laun þeirra, eftir 6 ára háskólanám sé 330.000 á mánuði? 540.000 eftir sérnám og aukna ábyrgð fólgna í því að vera sérfræðingar. Að háar tekjur þeirra(tekjur ekki sama og laun) eru tilkomnar vegna þess að þeir neyðist til að vinna 200% vinnu vegna mannesklu á spítalanum? Að hér sé komi fram á bjargbrúnina og jafnvel farið fram af?
Nefndu mér nákvæmlega hvað er lélegt. Ekki benda á örfáar krónur sem munar á beinsínlítranum og lítilli kók í plasti í tilraunarsamanburði sem upphafsmaður þessa "bloggs" stakk upp á. Það er það sem er lélegur málflutningur.

[Ragnar (IP-tala skráð) 31.12.2014 kl. 18:11]

Bara sem dæmi er ágætis skýringarmynd sem svarar spurningunni "af hverju eru þeir þá ekki farnir?" birt á facebooksíðu ágætis hjartalæknis, Ragnars Danielsenar (ekki undirritaður).

https://www.facebook.com/photo.php?fbid=10205692622943110&set=a.10200894629676277.1073741832.1481043299&type=1&theater

Sett einnig inn á imgur: http://i.imgur.com/3lvMnvO.jpg fyrir vandláta sem stunda ekki facebook. Þetta er kúrfan við óbreytt ástand, held að kúrfan verði enn brattari verði ekkert að gert.

[Gunnr (IP-tala skráð) 1.1.2015 kl. 14:55]

Gleðilegt ár og vonandi ná menn að leysa þessa deilu þannig að allir séu sæmilega sáttir.

Það virðast sumir jafnvel trúa því fullum fetum að það bíði erlendir sérfræðingar eftir því að fá að komast til Íslands og vinna í íslenska heilbrigðiskerinu það sé jafnvel einhvert samsæri íslenskra lækna að hindra þetta. Þetta er því miður í besta falli grásbroslegt og byggist því miður ekki á stðreyndum eða raunveruleikanum en það láta menn sjaldnast vefjast fyrir sér. Það er ekkert erfiðara nema síður sé fyrir sérfræðinga í lækninum innan og utan við EES að fá viðurkenningu á Íslandi en öðrum löndum. Það þarf að sanna kunnáttu sína í faglegum prófum (fyrir þá sem koma utan við EES) og geta sannað kunnáttu sína í tungumálinu, munnlegu og skriflegu enda þarf að þekkja lög og reglur til að geta átt samskipti við sjúklinga eða lesa sjúkraskýrslur eða skrifa nótur, lesa lagagreinar og opinberar upplýsingar í raun ekkert öðruvísi en það sem til þarf til að fá sérfræðiviðurkenningu í Bandaríkjunum, Englandi, Póllandi, Grikklandi, Spáni eða Svíþjóð. Það eru td. ekkert að streyma grískir læknar til Skandinavíu þótt það sé málsvæði með 20 miljónir og alla vega með 2 föld laun og betri aðstöðu en Ísland. Það eru því miður engir sem leggja á sig fleirri ára nám í íslensku og hafa þann draum að vinna á íslenskum sjúkrahúsum það er í raun undarlegt að fólk raunar trúi þessu. Fólk kemur til Íslands vegna fjölskyldutengsla. Flestir erlendir læknar sem td. vinna í Bandaríkjunum, Bretlandi eða Norðurlöndum komu til landanna og stunduðu þar sérnám og ílentust það á m.a. um íslenska lækna enda búa um 40% íslenskra lækna erlendis. Það kemur enginn erlendur læknir til að mennta sig á Íslandi það er í raunar ekki hægt.

Magnús Karl Magnússon, forseti Læknadeildar HÍ birti yfirlit yfir augljósar staðreyndir um heilbrigðismál á Íslandi og segir sannleikann umbúðarlaust.

1. Heilbrigðiskerfið er á heljarþröm
2. Nýliðun sérfræðinga í læknastétt er langt undir því sem þarf til að viðhalda kerfinu.
3. Fjölmargir þrautreyndir sérfræðingar hafa flutt úr landi, hætt störfum á LSH eða minnkað verulega við sig vinnuhlutfall hjá hinu opinbera.
4. Laun lækna hafa verulega dregist aftur úr launum annarra opinberra starfsmanna á síðustu árum.
5. Meira en nóg framboð er af vel launuðum störfum með minna vinnuálagi í nágrannalöndum.
6. Neyðarástand er nú þegar á mörgum deildum og stofnunum hins opinbera vegna skorts á sérfræðingum.
7. Nú þegar hafa allmargir sérfræðingar sagt upp störfum vegna óánægju með kjör.
8. Deildarlæknar og kandídatar geta með litlum fyrirvara ákveðið að flytja út í sérnám fyrr en þeir höfðu áætlað.

Er hægt að hald því fram að lög á launadeilu ríkisins við lækna leysi þetta vandamál?

 

[sleggjuhvellur, 1.1.2015 kl. 17:03]

Aldrei  skal taka mark af hagsmunaaðilum af augljósum ástæðum.

kv

slegg

[Gunnr (IP-tala skráð) 1.1.2015 kl. 18:13]

Það á ekki að taka mark af raunveruleikanum Slegg, heldur ímynda sér að hlutirnir séu einhvern veginn öðruvísi . Persónulega hef ég ekki unnið á Íslndi í meira en 2 áratugi og er hvorki á leið til þess hvorki í nálægri eða fjarlægðri framtíð. Maður á fjölskyldu og vini á Íslandi og það verður ekki fögur né geðsleg sjón að verða vitni að hruni íslenskrar heilbrigðisþjónustu fyrst í "slow motion" og síðan með auknum hraða. Íslensk heilbrigðisþjónusta er farin að minna á helsært dýr sem veslast upp af fjármagns og atgerfisskorti. Það er jafn fjarlægt að menn fylla stöður sérfræðilækna á Íslandi eins og við fáum Premier League leikmenn úr enskum fótboltaliðum til að sækja um að fá að spila með KR, Fylki, Val eða FH. Munurinn er að það þarf enga menntun til að spila fótbolta en til að vinna sem sérfræðilæknir þarf 5-11 ára sérmenntun til viðbótar 6 ára grunnámi í læknisfræði að viðbættu kandídatsári. Það að fólk leggi á sig fleirri ára íslenskunám í sínum frítíma sem 300 þúsund eyjarskeggjar á eyju í Atlandshafi tala. Það að hingað komi fólk til að búa um rúm eða vinna önnur illa borguð þjónustustörf í íslensku ferðamannaþjónustinni er allt annar handleggur enda hef ég ekki heyrt að neinn sé að leggja á sig umfangsmikið íslenskunám fyrir komuna hingað. Það er í raun merkilegt að mnargt vel gefið fólk á Íslandi geri sér ekki grein fyrir þessu. Það hefur aldrei verið neinn sérstakur áhugi á íslensku atvinnulífi erlendis frá nema algjörri láglauna og færibandavinnu og það er ekki beint straumurinn hingað ekki einu sinni í það.  Við sjáum gettó í ólöglegu atvinnuhúsnæði. 

[sleggjuhvellur, 3.1.2015 kl. 11:56]

Það er ekkert sem réttlætir 50% launahækkun lækna.

Það þýðir ekki að benda alltaf á laun erlendis því það á við allar stéttir á Íslandi. Allar.

Það eru einfalegla lægri laun hér á landi.

Þetta er íslenskur veruleiki og það er kominn tími á að læknamafían átti sig á því.

hvells

[Gunnr (IP-tala skráð) 3.1.2015 kl. 14:40]

So be it!

Raunar fáránlegt þetta mafíutal. Sannleikurinn er þau búin að vera þolinmóð of lengi og látið laun og aðstöðu drabbast niður. Þessi tálsýn að það bíði hjarðir erlendra sérfræðilækna sem vinni baki brotnu í áralöngu íslenskunámi til að koma til Íslands er því miður ekki rétt og merkilegt að fólk gangi um með þessa grillu enda alveg út í hött. 
Það er í raun að renna upp fyrir læknum á Íslandi og stórum hluta þjóðarinnar að það er enginn straumur af sérfræðingum til Íslands hvorki íslenskum. Það bíður bara aukið álag og vera úthrópað hátekjufólk með allt að 2-3 falt vinnuálag.
Fólk er að í stórum stíl að minnka sitt starfshlutfall eða hætta.
Gjörgæslu- og svæfingarlæknar eldri en 55 ára geta hætt á vöktum og stór hluti er að gera það aðrir eru raunar að segja störfum sínum lausum. Þetta er ein birtingarmynd atgerfisskortsins. Önnur er að íslenskir læknar erlendis sýna ekkert fararsnið á sér til Íslands og er það í raun ekkert undarlegt. Lagasetning á kjaradeilu verður í raun reiðarslag því varla er hægt að neyða fólk til að vinna 250-300 tíma á mánuði og án þess þá leggst íslenska heilbrigðiskerfið á hliðina.
Ég get ekki fullyrt um þessa kjaradeilu enda hef ég ekki neina innsýn í hana en það er augljóst að fyrsta og eina kjaradeila lækna til 40 ára hefur miklu meiri þunga en nokkur gerir sér grein fyrir. Þeir líta svo á að ef þeir láta deigan síga þá kemur enginn til að leysa þá af og heilbrigðiskerfið sem við þekkjum það verður í raun óþekkjanlegt.  Flestir þeir sem fullyrða um málið hefur litla sem enga þekkingu á þessu hvorki sem fagfólk eða sjúklingar. 

[sleggjuhvellur, 3.1.2015 kl. 22:19]

Læknar hér á landi lifa vel.

Þekki nokkra

kv

Slegg