Flýja til ESB

Unga fólkið er að flýja til ESB.

Þar er evra, lágir vextir, engin verðtrygging og hærri laun.

 

Ísland þarf að ganga í ESB til að vera þjóð meðal þjóða svo unga fólkið vill búa hér áfram.

 

ESB. Já takk!!

 

hvells

Unga fólkið að flytja frá Íslandi

Athugasemdir

[Birgir Guðjónsson (IP-tala skráð) 28.11.2015 kl. 17:19]

Síðan hvenær er Noregur í ESB ?

Megnið af þeim sem hafa flutt og eru að flytja fara þangað.

Hættu bullinu !

[Helgi (IP-tala skráð) 28.11.2015 kl. 22:39]

Sælir.

Flytja í ESB, OK - af hverju ætti fólk að gera það?

Á evrusvæðinu er 11% atvinnuleysi og atvinnuleysi meðal ungs fólks er mun hærra í mörgum löndum. Á Grikklandi er fólk orðið örvæntingarfullt. Fljótlega hefst næsti kafli í Grikklandsdramanu, vandinn var ekki leystur í sumar. Efnahagslega hefur evrusvæðið verið í ræsinu frá 2008 og ekkert útlit fyrir að staðan þar skáni. 

Ef þýsku atvinnuleysistölurnar eru teknar úr evruatvinnuleysistölunum fáum við út að atvinnuleysi á evrusvæðinu sé 13%. Finnst sleggjunni og hvellinum það í lagi? Er það glæsilegur árangur? Finnst ykkur 40-50% atvinnuleysi meðal ungs fólks víða í Evrópu ásættanlegt?

Þjóðarframleiðsla innan ESB er minni núna en hún var á fyrsta fjórðungi ársins 2008. Í USA hefur framleiðsla hins vegar aukist frá 2009 - sem er í sjálfu sér afrek sé haft í huga hver er forseti þar núna. Milli 2011 og 2013 dróst þjóðarframleiðsla evruríkjanna saman. Er það ekki frábær árangur?

Verðtryggingin er ekki vandamál hérlendis, hún er bara leið til þess að lánveitendur tapi ekki peningum. Í ESB og USA er farin önnur leið, þar eru sparifjáreigendur rændir svo fólk og ríki geti sökkt sér í skuldir. Það kemur hins vegar alltaf að skuldadögum.  

Lágir vextir eru heldur engin töfralausn og merkilegt að heyra fólk sem vill láta taka sig alvarlega tala um kosti lágra vaxta. Haldið þið félagarnir að lágir vextir hafi ekki haft neitt með hrunið frá 2008 að gera? Hvernig hefur svo lágvaxtastefna ECB gefist innan ESB? Er ekki allt að gerast þar - í háum atvinnuleysistölum?

Haldið þið að hérlendis væri ekki allt vitlaust ef atvinnuleysið væri 13% eins og í ESB? Með því að dásama ESB eins og þið gerið eruð þið í reynd að segja að ykkur finnist viðvarandi hátt atvinnuleysi vera í lagi. 

Svo ættuð þið að vita, ef þið væruð í reynd vel að ykkur í fjármálum, að lágir vextir koma sumum vel en öðrum illa. Lágir vextir hvetja líka til skuldsetningar sem er ekkert endilega góð - eins og mörg þjóðríki eru að komast að núna. 

Það sem verra er, lýðfræðilega svipar Evrópu til Japan og því er ekki bjart framundan hjá ESB ríkjunum og ýmsir sem sjá fyrir sér að eins fari fyrir ESB og Japan (þar hefur ríkt efnahagsleg stöðnun í áratugi).

Fullyrðing ykkar um há laun innan evrulandanna er í besta falli vafasöm. Laun hafa t.a.m. lækkað í Austurríki, Belgíu, Portúgal og Ítalíu svo dæmi séu tekin (2009-2012). 

Eftir stendur að ESB á bara eftir að hrynja, þar á bæ ráða menn ekkert við þennan flóttamannastraum og hafa enga peninga til þess að halda þeim uppi.